MAHAN SE TEORIE VAN SEEMAG

Abstract

"Niemand het die teorie van seemag en vlootstrategie so direk en ingrypend soos die Amerikaner, Alfred Thayer Mahall, beïnvloed nie". Sy uiteensetting van die basis van seemag - en die daarmee gepaardgaande grootmoondheidstatus - het plaasgevind in ‘n era toe baie moondhede op soek was na 'n teorie wat die grondslag kon vorm vir magsbou. Hy het seemag beskou as 'n noodsaaklike voorvereiste vir die uitbreiding van die nasionale mag en voorspoed van 'n staat. Sy idees vind vandag nog aanklank by strategiese beplanners - die argitek van die modern Sowjetvloot, Admiraal S.G. Gorshkov, is al 'n kontemporêre Mahan genoem.